អឺរ៉ុប ​និង​ កូរ៉េខាងត្បូង​ សហការគ្នា ផលិត ​5G ​ចំណាយ ​៩៥០លានដុល្លារ

ប្រ៊ូសែល៖ សហគមន៍អឺរ៉ុប (EU) និងកូរ៉ខាងត្បូង បានឯកភាពគ្នា ដើម្បីធ្វើការផលិតបច្ចេកវិទ្យាចល័ត

ហៅកាត់ថា (5G)។ នៅក្នុងសេចក្តីថ្លែងការ រួមគ្នាមួយបានបញ្ជាក់ថា កាលពីថ្ងៃចន្ទម្សិលមិញនេះ គណៈប្រតិភូនៃប្រទេសកូរ៉េខាងត្បូង បានចុះកិច្ច ព្រមព្រៀងគ្នា មួយជាមួយបណ្តាញ



ទូរគមនាគមន៍បច្ចេកវិទ្យា ព័ត៌មានវិទ្យា ដើម្បីសហការផលិត 5G នឹងចែកចាយលើទីផ្សារ ។

គម្រោងការនេះនឹង ត្រូវធ្វើការសិក្សាស្រាវជ្រាវ ហើយនឹងបញ្ចប់ទាំងស្រុង នៅក្នុងឆ្នាំ២០១៦។ សូមបញ្ជាក់ថា នៅពេលដែល 5G ត្រូវបានបង្កើតឡើងនោះ វានឹងមានល្បឿនលឿនជាង 4G ដល់ទៅ ១០០០ដងឯណោះ ដែលជា បណ្តាញទូរគមនាគមន៍ចល័ត មួយផ្តល់ភាពងាយ ស្រួលសម្រាប់សង្គមបច្ចេកវិទ្យា នាពេលបច្ចុប្បន្ន និងអនាគត ។

គេបានដឹងថា ភាគីនៃប្រទេសទាំងពីរបានដាក់ ប្រាក់វិនិយោគដើម្បីផលិត បច្ចេកវិទ្យាថ្មីនេះច្រើន សន្ធឹកសន្ធាប់ណាស់ ហើយបានព្រមព្រៀងគ្នា គិតចាប់ពីខែធ្នូ ឆ្នាំ២០១៣ មកម្ល៉េះ គិតជាទឹកប្រាក់ចំនួន ៧០០លានអឺរ៉ូ ស្មើនឹង ៩៥០លានដុល្លារសហរដ្ឋអាម៉េរិក។