ពេលវេលាប្រែប្រួល ឬកែប្រែផ្នែករឹងថ្មី (Hardware)
របស់កុំព្យូទ័របានខិតចូលមកដល់បន្ដើរៗហើយ ជាមួយនឹងបន្ទះ Ram
ជំនាន់ទី 4 មានឈ្មោះជាផ្លូវការថា
DDR4
ដោយត្រូវបានសន្និដ្ឋានថានឹងចេញប្រកាសជាលើកដំបូងបំផុតនៅចន្លោះ
ខែកញ្ញា ទៅខែវិច្ឆិកា ឆ្នាំ 2014 ខាងមុខឆាប់ៗនេះឯង។
ដើម្បីប្រើប្រាស់ Ram DDR4 បានគឺត្រូវមាន Motherboard
ជំនាន់ថ្មីបំពាក់មកជាមួយបន្ទះឈីប X99 ទើបបានប្រើប្រាស់វាបាន
ហើយក្រុមហ៊ុនដំបូងដែលត្រៀមទទួលយក
ឬដាក់អោយផ្នែករឹងរបស់ខ្លួនដំណើរការបានជាមួយ Ram ជំនាន់ទី 4
នោះគឺ Intel
បានត្រៀមខ្លួនរួចជាស្រេចក្នុងការបញ្ចេញផ្នែករឹងរបស់ខ្លួននា
ពេលឆាប់ៗ។
បើទោះបីជាការកំនត់ថ្ងៃបរិច្ឆេទចេញលក់ Ram DDR4
ខិតជិតចូលមកដល់ក្នុងរយៈពេលប៉ុន្មានខែខាងមុខក៏ពិតមែន
តែម្សិលមិញនេះសារពត៌មាន Vr-Zone របស់ចិនបានចេញផ្សាយទាក់ទងនឹង
Ram ជំនាន់ទី 4
នេះដែរថាវាបានប្រទះឃើញមានដាក់លក់ជាបន្ដើរៗនៅឯប្រទេសជប៉ុន
ជាមួយជំរើស 2 ប្រភេទផ្សេងៗគ្នាគឺទំហំ 16/32GB
ជាផលិតផលរបស់ក្រុមហ៊ុន SanMax និងផ្គត់ផ្គង់បន្ទះឈីបដោយក្រុមហ៊ុន
SKHynix ល្បីល្បាញផ្នែកផលិតឈីប និង Ram។ បន្ទះ Ram
ដែលប្រទះឃើញមានលក់នៅជប៉ុនមានតម្លៃថ្លៃដល់ក
ដែលយើងសឹងមិនជឿព្រោះថា Ram ទំហំ 16GB មានតម្លៃថ្លៃដល់ទៅ 350$
និងទំហំ 32GB តម្លៃ 685$ ឯណោះហើយតម្លៃនេះគឺថ្លៃខ្លាំងណាស់
គ្រាន់តែបន្ទះ Ram
មួយដើមសោះថ្លៃដល់ថ្នាក់ហ្នឹងទៅហើយសុខចិត្តទិញកុំព្យូទ័រប្រើ
ល្អជាជាង។
ដោយសារតែតម្លៃរបស់បន្ទះ Ram ជំនាន់ថ្មីនេះថ្លៃ
វាក៏មានសមត្ថភាពពិសេសផងដែរ
ជាមួយនឹងល្បឿនប្រតិបត្តិការណ៍របស់វាក្នុងការបញ្ជូនទិន្នន័យចាប់
ពី 2133 ទៅ 4266 MT/s បើប្រៀបធៀបនឹង Ram DDR3 មានល្បឿនចាប់ពី 800 ទៅ
2133 MT/s ប៉ុណ្ណោះ។ ជាងនេះទៅទៀតនេះវាមានបន្ទះធ្មេញ 288 កន្លែង
រីឯ DDR3 មានត្រឹមតែ 240 ពិសេសស៊ីភ្លើងតិចត្រឹមតែ 1.2V។
សម្រាប់អ្នកប្រើប្រាស់កុំព្យូទ័រទាំងអស់មិនថា Desktop/Laptop
គិតយ៉ាងណាដែរជាមួយ Ram DDR4 មួយនេះ?
ខ្ញុំផ្ទាល់គិតថាវាថ្លៃពេកហើយ រីឯបន្ទះ Ram DDR3
អាចអោយយើងប្រើប្រាស់បានធម្មតាមិនមានបញ្ហាអ្វីឡើយ
ចាំបាច់អីចំនាយថវិកាយ៉ាងច្រើនទៅជាវ DDR4 ធ្វើអី?
បើប៉ុន្មានឆ្នាំទៅមុខទៀតវាមានតម្លៃធូរថ្លៃ
ប្រហែលជាយើងអាចគិតគូរពិចារណាបាន។
No comments:
Post a Comment