នេះមិនមែនជារឿងលេងសើចឡើយនៅពេលយើងមានកុំព្យូទ័រប្រើប្រាស់ ហើយត្រូវបានក្រុម ឬបក្សពួកជនខិលខូចមួយចំនួន (Hackers) បានប្រើប្រាស់កាមេរ៉ាកុំព្យូទ័រផ្ទាល់ខ្លួនរបស់យើងថតយករូបភាព ឬថតយកវីដេអូសំខាន់ៗនៅពេលដែលយើងនៅមុខកុំព្យូទ័រ ដោយមិនដឹងខ្លួននោះ។ ដូច្នេះរាល់អ្នកប្រើប្រាស់កុំព្យូទ័រទាំងអស់មិនថា កុំព្យូទ័រយួរដៃ កុំព្យូទ័រកូនកាត់ ឬកុំព្យូទ័រលើតុឡើយ គប្បីមានការប្រុងប្រយ័ត្នខ្ពស់ទៅលើកាមេរ៉ាបំពាក់ជាមួយកុំព្យូទ័ររបស់អ្នក តែបើកកុំព្យូទ័ររបស់អ្នកមិនមាន ឬខូច Webcam គឺមិនបាច់បារម្មណ៍ឡើយ ក៏ដូចជានៅពេលអ្នកមិនបានភ្ជាប់កុំព្យូទ័រទៅកាន់អ៊ីនធឺណែត។
.jpg)
ខ្ងុំជឿជាក់ថាមានប្រិយមិត្តមួយចំនួននៅមានការព្រួយបារម្មណ៍ខ្ពស់ទៅលើបញ្ហាលួចថតរូប ឬវីដេអូតាមរយៈ Webcam របស់កុំព្យូទ័រផ្ទាល់ខ្លួន ព្រោះពេលខ្លះយើងអាចនឹងមានការសម្ងាត់លាក់បាំងជាដើម អញ្ចឹងហើយគឺត្រូវលាក់ការជាសម្ងាត់។ ចុះបើមានក្រុមជនខិលខូចលួច hack កាមេរ៉ារបស់កុំព្យូទ័រអ្នក តើវានឹងទៅជាយ៉ាងណា? បច្ចេកវិទ្យាមានការរីកចំរើនខ្លាំងណាស់ដូច្នេះហើយ រាល់ការប្រើប្រាស់ឧបករណ៍ទំនើបៗខ្លះគឺត្រូវមានការប្រុងប្រយ័ត្នផងដែរ ដើម្បីកុំអោយមានរឿង ឬបញ្ហាធំកើតឡើងជាយថាហេតុ។
បើប្រិយមិត្តកំពុងព្រួយបានរម្មណ៍ទៅលើរឿងនេះ ខ្ងុំនឹងបង្ហាញអំពីវិធីសាស្ត្រងាយៗបំផុត ដែលអ្នកទាំងអស់គ្នាអាចធ្វើតាមបានដូចខាងក្រោម៖
តម្រូវការ
- កុំព្យូទ័រប្រើប្រាស់ Windows XP, Vista, 7, 8 និង 8.1 ទាំង (32-bit និង 64-bit)
ដំណើរការក្រោយពីទាញយកកម្មវិធី Process Explorer រួចអ្នកអាចទុកវាចោលមួយឡែកសិន។ ដើម្បីចាប់ផ្ដើមដំណើរការត្រួតពិនិត្យទៅលើមុខងារ Webcam ថាតើវាត្រូវបានប្រើប្រាស់ដោយកម្មវិធីផ្សេង ឬជនណាម្នាក់ធ្វើការ Hack យកទៅប្រើប្រាស់ដែរឬទេនោះ សូមទៅកាន់ Desktop ហើយ Right Click ទៅលើ My Computer រួចជ្រើសរើសពាក្យថា Manage។
- ក្រោយពេលចូលទៅដល់ Manage រួច សូមចុចពាក្យថា Device Manager
- បន្ទាប់មកសូមជ្រើសយកពាក្យថា Imaging Devices ដោយចុច Mouseឆ្វេង 2 ដង
- សូមចុច Mouse ឆ្វេង 2 ដងទៀតនៅលើ Driver របស់ Webcamអ្នក
- មានប្រអប់មួយលោតចេញមក សូមចុចលើប៊ូតុង Details
- ត្រង់ Property សូមចុចហើយអូសចុះក្រោមដោយស្វែងរកពាក្យថា Physical Device Object name
- ត្រង់ Value អ្នកនឹងឃើញមានអក្ស និងលេខមួយចំនួន ដូច្នេះសូមចុច Mouseស្ដាំ ហើយជ្រើសរើសយកពាក្យថា Copy
- បន្ទាប់មកសូមបើកកម្មវិធី Process Explorer ហើយចុច Control + F នៅលើក្ដារចុចកុំព្យូទ័រអ្នក ឬចុចលើរូបកាមេរ៉ាខ្មៅ
- សូម Paste នៅលើប្រអប់នោះ ក្រោយមកចុចយកពាក្យ Search
- បើឃើញ 0 Matching items បានន័យថាកុំព្យូទ័រអ្នកមិនមានអ្នក Hack ឬមានកម្មវិធីអ្នកលួចថតឡើយ បើទោះបីជាភ្ជាប់កុំព្យូទ័រទៅកាន់អ៊ីនធឺណែតក៏ដោយ។
- តែបើមានឃើញ 1 ឬ 2 Matching items បានន័យថាកុំព្យូទ័ររបស់អ្នកត្រូវបានគេ Hack ចូលបានហើយ (បើអ្នកមិនមានបើកកម្មវិធី Webcam)
ដំណោះស្រាយបើកុំព្យូទ័ររបស់អ្នកមានបញ្ហាត្រូវបានគេ Hack ចូលសូម Uninstall កម្មវិធីផ្សេងៗពិសេសគឺកម្មវិធីពាក់ព័ន្ធនឹងកាមេរ៉ា Webcam តែម្ដង បើនៅតែឃើញមានកម្មវិធីទាក់ទងរញ៉េរញ៉ៃផ្សេងៗទៀត គប្បី Format ប្រព័ន្ធដំណើរការសាជាថ្មីយកថែម្ដង ជៀសវាងបញ្ហាធំនាថ្ងៃក្រោយ។
No comments:
Post a Comment