ប្រទេសចិន គឺជាប្រទេសឧស្សាហកម្មដ៏បំផុតមួយនៅលើពិភពលោកយើងនេះ
ដែលយើងសង្កេតឃើញថាឧបករណ៍ភាគច្រើនបំផុត សុទ្ធតែបានផលិត
និងតម្លើង ហើយប្រទេសនេះក៏សំបូរទៅដោយផលិតផលចម្លង
និងក្លែងក្លាយជាច្រើនផងដែរ។
កាលពីមុនអ្នកទាំងអស់គ្នាប្រាកដជាធ្លាប់បានស្គាល់រួចមកហើយនូវ
ទូរស័ព្ទក្លែងក្លាយរបស់ចិនជាច្រើនដូចជា Galaxy S4, iPhone , Sony
ហើយលើកនេះ ក្រុមហ៊ុន GooPhone
ដែលជាក្រុមហ៊ុនជំនាញខាងចម្លងរចនាបថពីគេនោះ
បានដាក់លក់ស្មាតហ្វូនដែលមានរូបរាងដូចទៅនឹង iPhone 6 ម្តង។
ទូរស័ព្ទចិនម៉ូឌែល GooPhone
មួយនេះមានរូបរាងដូចទៅនឹងរូបភាពបែកធ្លាយនានារបស់ iPhone 6 ដែរ
ដែលមានអេក្រង់ធំល្មមទំហំ 4.7 អ៊ីញ មានរូបរាងស្តើង
មានទ្រនាប់ស្កេនម្រាមដៃជាដើម។ ក្រុមហ៊ុនចិននេះ
ដូចជាលេងសើចជាមួយក្រុមហ៊ុន Apple បន្តិចហើយ ព្រោះអី iPhone 6
នៅមិនទាន់បានប្រកាសផង GooPhone ស្រាប់តែមាន iPhone 6
ក្លែងក្លាយលក់បានមុនបាត់ទៅហើយ។
ទូរស័ព្ទនេះមានអេក្រង់ទំហំទំហំ 4.7 អ៊ីញ
មានកម្រិតភាពច្បាស់ 960 x 540 ភិចសែល មានរ៉េមទំហំ 1GB ស៊ីភីយូ
MediaTek Quad-core កាមេរ៉ាខាងក្រោយទំហំ 13
មេហ្គាភិចសែលអមជាមួយភ្លើងជំនួយ និងកាមេរ៉ាខាងមុខទំហំ 5
មេហ្គាភិចសែល។ ចំណែកឯប្រព័ន្ធប្រតិបត្តិការណ៍របស់វា នោះគឺ Android
Jellybean 4.2.2 តែរចនាបថដូចទៅនឹង iOS 7 ដែរ។
ទូរស័ព្ទ iPhone 6 ក្លែងក្លាយរបស់ GooPhone
នេះនឹងចាប់ផ្តើមដាក់លក់នៅលើទីផ្សារ
ចាប់ពីខែសីហាខាងមុខនេះតទៅហើយ ដែលវាមានតម្លៃថោកខ្លាំងណាស់
ត្រឹមតែ 150$ តែប៉ុណ្ណោះ។ កាលពីឆ្នាំមុន GooPhone
ក៏ធ្លាប់បានបង្កើតទូរស័ព្ទ iPhone 5S ក្លែងក្លាយម្តងរួចទៅហើយ
ដែលវាមានរូបរាងដូចទៅនឹងរបស់ពិតខ្លាំងណាស់ អាចច្រឡំបាន។
សូមមានភាពប្រុងប្រយ័ត្នខ្ពស់ មុននឹងសម្រេចចិត្តទិញទូរស័ព្ទពពួក
iPhone នេះ ព្រោះអីនៅលើទីផ្សារបច្ចុប្បន្ន
គឺសំបូរទៅដោយរបស់ក្លែងក្លាយ។
No comments:
Post a Comment