Theme ដ៏ស្រស់ស្អាត​ចំនួន​ពីរ​សម្រាប់ iPhone

ឥលូវនេះ អ្នកដែឡកំពុងតែប្រើ​ប្រាស់ iPhone, និង iPod Touch ទាំង​អស់ អាច​រីក​រាយ​ជាមួយ​នឹង​ការ​ផ្លាស់​ប្តូរ Theme បាន​ដោយ​សេរី ហើយ​ក៏​មាន​ភាព​ងាយ​ស្រួល​ផង​ដែរ។ ជា​ដំបូង មុន​នឹង​តម្លើង Theme ទាំង​នេះ​បាន​ដោយ​ឥត​គិត​ថ្លៃ អ្នក​ត្រូវ​ប្រាកដ​សិន​ថា iPhone របស់​អ្នក​បាន Jailbreak រួច​រាល់​សិន។ បន្ទាប់​មក​ទៀត សូម​បើក​កម្មវិធី Cydia> Source > edit > Add > វាយ​ពាក្យ http://repo.biteyourapple.net រួច​ចុច Add ព្រោះ​អី Source មួយ​នេះ នឹង​ផ្តល់​ជូន​អោយ Theme, Tweak និង​កម្មវិធី​ឥត​គិត​ថ្លៃ​ជា​ច្រើន។

 

អ្នកទាំងអស់គ្នាអាចដោនឡូដ Theme ដ៏​ស្រស់​ស្អាត​ចំនួន​ 2 ខាង​ក្រោម​នេះ​បាន ដោយ​បើក​កម្មវិធី Cydia > ចុច​ក្រឡោន Search រួច​វាយ ឈ្មោះ Theme និង​តម្លើង​ជា​ការ​ស្រេច។ បន្ទាប់​ពី​តម្លើង​បាន​ជោគ​ជ័យ​ហើយ ចូល​ទៅ​កាន់​កម្មវិធី Winterboard វិញ រួច​ចុច​លើ Select Theme និង​ជ្រើស​រើស​យក Theme ណា​ដែល​អ្នក​ពញ​ចិត្ត និង​ចុច​បិទ​កម្មវិធី​នោះ​ជា​ការ​ស្រេច។ ខាង​ក្រោម​នេះ​គឺ​ជា Theme សម្រាប់ iPhone ដ៏​ស្រស់​ស្អាត​ចំនួន​ពីរ ដែល​អ្នក​ទាំង​អស់​គ្នា​គួរ​តែ​សាក​ល្បង៖

1. Soft

វាមិនសូវមានភាពខុសប្លែកពី​ស្តាយ​ដើម​ របស់ iOS 7 ប៉ុន្មាន​ទេ គ្រាន់​តែ​ផ្លាស់​ប្តូរ​ពណ៌ និង​រចនាបថ ក្តារ​ចុច​មួយ​ចំនួន។ អ្វី​ដែល​ធ្វើ​អោយ​គេ​ចាប់​អារម្មណ៍​បំផុត​ទាក់​ទង​នឹង Theme នេះ​គឺ​វា​មាន​រំលេច​ដោយ​ពណ៌​ជា​ច្រើន ដែល​មាន​ភាព​ទាក់​ទាញ និង​ស្រស់​ស្អាត។ ទន្ទឹម​នឹង​នេះ​ដែរ វា​ក៏​អាច​ផ្លាស់​ប្តូរ​សម្លេង​ក្តារ​ចុច​យើង អោយ​លឺ​សម្លេង​បាន​ផង​ដែរ។ អ្វី​ដែល​ជា​លក្ខណៈ​ពិសេស​របស់ Theme នេះ គឺ​វា​បាន​បន្ថែម​នូវ Wallpaper ​ស្អាត​មួយ​ចំនួន​ទៀត សម្រាប់​ប្រើ​នៅ​លើ iPhone របស់​អ្នក​ផង​ដែរ។

 

2. Aura

Aura គឺជា Theme មួយ​ដែល​មាន​លក្ខណៈ​សមញ្ញ​បំផុត ប៉ុន្តែ​មើល​ទៅ​មិន​ងាយ​ធុញ​ទ្រាន់​ឡើយ។ ស្តាយ icon របស់​វា មាន​រូប​រាង​មូល និង​តូច​ជាង​មុន​បន្តិច​ស្អាត ស្រដៀង​និង Nokia ដែរ។ ក្រៅ​ពី​មាន icon សាមញ្ញ​ស្អាត​ហើយ វា​ក៏​មាន​ភ្ជាប់​មក​ជាមួយ Wallpaper មួយ​ចំនួន និង​ផ្លាស់​ប្តូរ ស្តាយ​សេវា Wi-Fi ផង​ដែរ។

 

សូមជ្រើសរើស Theme ណាមួយ​ដែល​អ្នក​គិត​ថា​ស្អាត និង​សាក​សម ទៅ​នឹង​ទូរស័ព្ទ​របស់​អ្នក ប៉ុន្តែ​សូម​កុំ​តម្លើង​ច្រើន​ជាង 5 រឺ 6 ព្រោះ​អី​វា​អាច​ធ្វើ​អោយ​ឯកសារ System របស់​យើង​មាន​ភាព​រញ៉េ​រញ៉ៃ​បាន រឺ​ក៏​ដើរ​យឺត​បាន។