បច្ចុប្បន្នប្រទេសចិនគឺជាប្រទេសដែលមានសេដ្ឋកិច្ចកើនឡើងយ៉ាងឆាប់រហ័សជាងប្រទេសដទៃនៅលើពិភពលោក។ ឥលូវនេះប្រទេសចិនកំពុងតែធ្វើការបង្កើតប្រព័ន្ធប្រតិបត្តិការរបស់កុំព្យូទ័រថ្មីមួយដែលត្រៀមនឹងប្រកួត
ប្រជែងក្រុមហ៊ុន Microsoft, Google និង Apple។ យោងតាមភ្នាក់ងារសារពត៌មាន Xinhua បានឲ្យដឹងថាការអភិវឌ្ឍជាផ្លូវការនៃប្រព័ន្ធប្រតិបត្តិការរបស់កុំព្យូទ័រនេះគឺចាប់តាំងពីខែមីនា ហើយនិងមានគំរោងចេញឲ្យប្រើប្រាស់នូវ Chinese OS នេះនៅលើកុំព្យូទ័រនៅខែតុលា។ ហើយគំរោងពួកគេនៅតែបន្តនិងត្រៀមបង្កើតប្រព័ន្ធប្រតិបត្តិការរបស់ទូរស័ព្ទចល័តនៅពេលអនាគតទៀតផង។ គំរោងនោះគឺ OS Alliance ដែលនឹងចេញឲ្យប្រើប្រាស់នៅប៉ុន្មានឆ្នាំខាងមុខនេះ។
កាលពីប៉ុន្មានខែមុន ប្រទេសចិនបានធ្វើការបិទមិនឲ្យរាជរដ្ធាភិបាលរបស់ខ្លួនប្រើប្រាស់ប្រព័ន្ធប្រតិបត្តិការ Windows 8 ដូច្នេះហើយទើបបានជាប្រទេសចិនបង្កើតប្រព័ន្ធប្រតិបត្តិការថ្មីរបស់ខ្លួន ហើយថែមទាំងមានសុវត្ថិភាពទៀតផង។ លោក Ni Guangnan គឺជាអ្នកដឺកនាំការអភិវឌ្ឍ Alliance OS នេះបាននិយាយថារាជរដ្ធាភិបាលចិនបានកំពុងតែបង្កើតឱកាសដ៏អស្ចារ្យសំរាប់ប្រជាពលរដ្ធរបស់ខ្លួន “ ការបង្កើតឱកាសថ្មីមួយដែលអាចឲ្យអ្នកប្រើប្រាស់អាចទាក់ទងនឹង Google, Apple និង Microsoft បាន ហើយនេះជាគន្លឹះនៃភាពជោគជ័យ” ។
No comments:
Post a Comment