វាមិនមែនជារឿងធម្មតានោះទេ ដែលកាលពីប៉ុន្មានថ្ងៃមុននេះ Google បានចំនាយសាច់ប្រាក់យ៉ាងច្រើនសន្ធឹកសន្ធាប់ដល់ទៅ 500 លានដុល្លាក្នុងការទិញយកផ្ដាយរណបរបស់ក្រុមហ៊ុន SkyBox ដើម្បីពង្រីកវិសាលភាពសេវាកម្មជាច្រើនរបស់ខ្លួនជូនទៅដល់មនុស្សជាតិរស់នៅក្នុងពិភពលោកយើងនេះ។ សម្រាប់ថ្ងៃនេះវិញដោយយោងទៅតាមប្រភពពត៌មានរបស់ Sky News បានអោយដឹងថា Google បានកំពុងរៀបគម្រោងមួយថ្មីទៀតដែលត្រូវចំនាយទឹកប្រាក់ប្រមាណជា 30 លានដុល្លាធ្វើការបណ្ដាក់ទុនជាមួយក្រុមហ៊ុនផ្ដាយរណប Virgin Galactic ជាក្រុមហ៊ុនគ្រប់គ្រងដោយលោក Richard Branson ដែលគាត់មានសេចក្ដីសង្ឃឹមថានឹងអាចបង្កើតអោយមានការដើរកម្សាន្តអស្ចារ្យមួយសម្រាប់មនុស្សជាតិទៅលេងនៅលើស្ថានអាវកាសក្នុងពេលឆាប់ៗខាងមុខដ៏ខ្លីនេះ បើទោះបីជាគម្រោងដើរកម្សាន្តនេះមិនទាន់បានចាប់ផ្ដើមដំណើរការក៏ពិតមែន ក៏ប៉ុន្តែមានក្រុមតារាល្បីៗជាច្រើនបានកក់សំបុត្រកៅអីទុកអស់បាត់ទៅហើយ។
.jpg)
ជាក់ស្ដែងក្រុមហ៊ុនធំៗទាំង 2 ទៀតសោតបានធ្វើការចចារគ្នាជាច្រើនខែណាស់មកហើយ ប៉ុន្តែទើបតែឈានដល់ដំណាក់កាលកាន់តែស៊ីជម្រៅ។ Virgin Galactic ក៏អាចនឹងផ្ដល់សិទ្ធប្រើប្រាស់ផ្កាយរណបទៅអោយ Google ដើម្បីសម្រេចគម្រោងផ្គត់ផ្គង់សេវាកម្មអ៊ីនធឺណែតដែលត្រូវចំនាយថវិកាជាង 1000 លានដុល្លាលើបច្ចេកវិទ្យាថ្មីដើម្បីផ្ដល់សេវាកម្មអ៊ីនធឺណែតគ្មានខ្សែទៅកាន់គ្រប់ទីកន្លែងលើផែនដី។ ដូច្នេះ Google ពិតជាត្រូវចំនាយថវិកាច្រើនខ្លាំងណាស់ដោយត្រូវចំនាយថវិកាទៅលើផ្កាយរណបមួយតង់ហើយ ថែមទាំងត្រូវចំនាយមហាច្រើនមួយតង់ទៀតទៅលើបច្ចេកវិទ្យាផ្គត់ផ្គង់អ៊ីនធឺណែត។
យ៉ាងណាមិញ Google និង Virgin Galactic បានប្រកែកប្រាប់អ្នកយកពត៌មានថាវាមិនមែនជាការពិតឡើយ។ ឬមួយក៏ក្រុមហ៊ុនទាំង 2 មិនទាន់ចចារគ្នាត្រូវ?
No comments:
Post a Comment