ជាក់ស្ដែងការប្រើប្រាស់កម្មវិធីដដែលៗ
ឬមាន Interface
សាំញាំយូរៗទៅយើងនឹងមានអារម្មណ៍ថាវាមិនសូវជាអស្ចារ្យប៉ុន្មាន
នោះទេ ខ្លះប្រហែលជាឈប់ប្រើប្រាស់វា
ហើយស្វែងរកកម្មវិធីថ្មីៗផ្សេងទៀតផងក៏ថាបាន។
ដូច្នេះបើអ្នកពិតជាចូលចិត្តថតរូប រួមជាមួយនឹងការកែ Effect
ដើម្បីអោយរូបភាពមានសោភ័ណ្ឌភាពកាន់តែស្រស់ស្អាតនោះ
អ្នកមកចំកន្លែងហើយ ថ្ងៃនេះ Cambo Report
នឹងណែនាំកម្មវិធីកាមេរ៉ាថ្មីៗមួយចំនួនទៀតដែលទើបនឹងមានវត្តមាន
ក្នុង App Store និង PlayStore
អ្នកទាំងអស់គ្នាអាចសាកល្បងប្រើប្រាស់ ដែលមាន Interface
រចនាបថប្រើប្រាស់ស្រស់ស្អាតមិនរញ៉េរញ៉ៃ
ងាយស្រួលក្នុងការបញ្ជាទៅលើការកែប្រែ Effect ជាដើម
ពិសេសគឺអាចទាញយកមកប្រើប្រាស់បានដោយសេរីមិនគិតប្រាក់
និងមានអារម្មណ៍ប្លែក ដូចខាងក្រោមនេះ៖
POMELO (សម្រាប់ iOS និង Android)
POMELO
គឺជាកម្មវិធីកាមេរ៉ារបស់ក្រុមហ៊ុន Meitu, Inc. ជំនាញផ្នែកថតរូប
ដែលទើបនឹងបង្កើតថ្មីជាដៃគូប្រកូតប្រជែងយ៉ាងស្វិតស្វាញជាមួយ
កម្មវិធីដទៃផ្សេងទៀត។ អ្វីដែលពិសេសសម្រាប់កម្មវិធីនេះគឺវាមាន
Interface ស្រស់ស្អាត មើលទៅទាក់ទាញចិត្តខ្លាំងណាស់ វាមាន Effect
ច្រើនសម្រាប់យកទៅកែរូបភាព ហើយអ្នកក៏អាចយករូបភាពមក Edit
ឬធ្វើការកែប្រែជាមួយនឹង Tools ជាច្រើន។
អ្នកអាចទាញយកកម្មវិធីនេះដោយសេរីពី App/Play Store តាមរយៈប៊ូតុងខាងក្រោម៖
Retrica (សម្រាប់ iOS និង Android)
Retrica ក៏ជាកម្មវិធី Free
អាចទាញយកមិនគិតប្រាក់ផងដែរ
របៀបប្រើប្រាស់កម្មវិធីនេះគឺងាយស្រួលដោយអ្នកអាចជ្រើសរើស Effect
ដែលអ្នកពេញចិត្តជាច្រើន បន្ទាប់មកចុចថតគឺជាការស្រេច។
ជាងនេះទៅទៀតនេះវាក៏មានមុខងារប្លែកៗទៀតដូចជាមុខងារកំនត់ពេល
វេលាថត ថតរូបជាផ្ទាំងសន្លឹក ថតព្រាល ឬស្រអាប់ជាដើម រួមទាំង
Watermark ស្រស់ស្អាតនៅក្នុង Setting ដែលមានពាក្យថា Retrica
ដោយអ្នកអាចយកវាមកដាក់លើរូបភាព ឬមិនចង់ដាក់នៅលើរូបភាពក៏បាន។
Retrica មានជំនាន់ Pro និង Free បើអ្នកប្រើជំនាន់ Free មាន Effect
មួយចំនួនមិនអាចប្រើបានទេ លុះត្រាតែអ្នកទិញ ឬទាញយក RetricaPro
មកប្រើ។
អ្នកអាចទាញយកកម្មវិធីនេះដោយសេរីពី App/Play Store តាមរយៈប៊ូតុងខាងក្រោម៖
LINE Camera (សម្រាប់ iOS និង Android)
Cambo Report
ជឿថាអ្នកទាំងអស់គ្នាភាគច្រើនស្គាល់អំពីកម្មវិធីមួយនេះ
ហើយបើអ្នកមិនធ្លាប់បានប្រើប្រាស់វានោះទេ
ហេតុអ្វីមិនទាញយកមកតម្លើងលើម៉ាស៊ីនស្មាតហ្វូនរបស់អ្នកទាំងអស់
គ្នាភ្លាមទៅ? វាមិនត្រឹមតែជាកម្មវិធីថតរូប
និងកែរូបភាពប៉ុណ្ណោះទេ តែអ្នកអាចទាញយក Stikcers
ដ៏ច្រើនសំបូរបែបមកដាក់ក្នុង Store របស់ LINE
មកយ៉ាងច្រើនដោយធ្វើការទិញ
ឬទាញយកដោយសេរីទៅតាមលក្ខណៈរបស់កម្មវិធី។
ដូច្នេះបើអ្នកចង់បានកម្មវិធីកែរូបភាពដែលមានមុខងារសំបូរបែប LINE
Camera គឺជាជម្រើសមួយដ៏ល្អសម្រាប់អ្នក!
សរុបសេចក្ដីមកកម្មវិធីពិសេសៗទាំង 4
ខាងលើនេះគឺសុទ្ធសឹងជាមុខងារសំបូរបែបសម្រាប់ថតរូប
និងកែប្រែរូបភាពអោយកាន់តែមានភាពស្រស់ស្អាតជាងមុន។
បើអ្នកមានអារម្មណ៍ថាធុញទ្រាន់ជាមួយនឹង Camera 360
អ្នកអាចងាកមកប្រើប្រាស់កម្មវិធីទាំងអស់នេះវិញក៏បាន
ដោយអាចទាញយកបានដោយសេរីមិនគិតប្រាក់អ្វីទាំងអស់។
ចុងក្រោយសូមជូនពរអោយអ្នកទាំងអស់គ្នាកាន់តែរីករាយបន្ថែមជាមួយ
កម្មវិធីទាំងអស់នេះបានកាន់តែច្រើន និងសំបូរបែប
និងទទួលបានរូបភាពស្រស់ស្អាតតាមតម្រូវការដែលអ្នកចង់បាន!
No comments:
Post a Comment