Apple បានធ្វើឲ្យមានការវិវត្តថ្មីមួយទៀតដោយយកស្មាតហ្វូន ឬនាឡិកាឆ្លាត ទៅធ្វើការចំណាយជំនួសកាត Visa និងកាតផ្សេងៗទៀត តាមរយៈកម្មវិធី Apple Pay ។ ដើម្បីធ្វើការចំនាយតាមរយៈកម្មវិធី Apple Pay បានដំបូងគេត្រូវថតយកលេខសំងាត់របស់កាត Visa ជាមុនសិនដើម្បីឲ្យទូរស័ព្ទរបស់យើងបានកត់ត្រាលេខសំងាត់នោះទុក ហើយអត្តសញ្ញាណរបស់ម្ចាស់កាតត្រូវបានរក្សាការសំងាត់បានយ៉ាងត្រឹមត្រូវ។ ថែមពីលើនេះទៀត ម្ចាស់ iPhone ត្រូវស្កែនក្រយៅដៃរបស់ខ្លួនទុកនៅលើ iPhone ផងដែរតាមរយៈ Touch ID ។
នៅពេលដែលម្ចាស់ Visa ចង់ទិញទំនិញអ្វីមួយគេត្រូវតែធ្វើការចំនាយដោយផ្ទាល់ជាមួយម៉ាស៊ីនស្កែនដែលវានឹងស្គាល់ iPhone តាមរយៈកម្មវិធី NFC ដែលមាននៅលើទូរស័ព្ទ។ សូមបញ្ជាក់ថា ក្រៅពី iPhone 6, iPhone 6 Plus និង Apple Watch នោះ iPhone ស៊េរីមុនដូចជា iPhone 5s ជាដើមគ្មានកម្មវិធី NFC ទេ។ ដូច្នេះ គេក៏មិនអាចប្រើ Apple Pay ជាមួយ iPhone ស៊េរីមុនៗដែរ។ នៅពេលដែលទៅដល់ម៉ាស៊ីនស្កែន ដើម្បីចំណាយគេគ្រាន់តែចុចបើកម៉ាស៊ីនឲ្យដំណើរការ រួចយក iPhone 6, iPhone 6 Plus និង Apple Watch ទៅដាក់ជិតទៅម៉ាស៊ីននោះនឹងស្គាល់។ ឯម៉ាស៊ីននោះទៀតសោតក៏ត្រូវមានកម្មវិធី NFC ផងដែរទើបអាចធ្វើបាន។ បន្ទាប់មកទៀតគេដាក់ម្រាមដៃដែលបានស្កែនពីលើកមុនលើ Touch ID ប្រហែលជា 5 ទៅ 10 វិនាទីវានឹងចេញរូបភាពកាតមកឲ្យអ្នកប្រើ រួចអ្នកប្រើគ្រាន់តែចុចយកជាការស្រេច។
ចំពោះការចំណាយដើម្បីទិញទំនិញតាមអនឡាញវិញមិនបាច់ចាំប្រើ iPhone ឬក៏ Apple Watch ក៏យើងអាចទិញបានដែរ ហើយប្រិយមិត្តខ្លះធ្លាប់ប្រើនឹងយល់ភ្លាមពីព្រោះវាត្រូវការតែលេខសំងាត់ប៉ុណ្ណោះ មិនត្រូវការក្រយៅដៃទេ។ ដំបូងឡើយ Apple ដាក់ឲ្យប្រើប្រាស់ នូវការចំណាយតាម Apple Pay នៅអាមេរិច ដោយធ្វើការសហការជាមួយធនាគារចំនួនជាង 10 នៅលើពិភពលោកដើម្បីបង្កើតជាប្រព័ន្ធប្រតិបត្តិការក្នុងការចំណាយ ប៉ុន្តែបន្ទាប់មកមិនដឹងជាមានប្រទេសណាទៀតទេដែលអាចធ្វើការចំណាយតាម Apple Pay បាន?
No comments:
Post a Comment