ស្របពេលដែល iPhone 6 ទាំងពីរម៉ូឌែលបានបង្ហាញខ្លួន Apple ក៏បានប្រកាសចេញ iOS 8 ជាផ្លូវការផងដែរជាមួយនឹងមុខងារពិសេសៗមួយចំនួនដូចជា Widget ថ្មីសម្រាប់ដាក់នៅលើ Notification, មុខងារ iCloud ជំនាន់ថ្មីជាដើម។ មិនតែប៉ុណ្ណោះនៅលើ iOS 8 អាចអោយអ្នកប្រើប្រាស់ធ្វើការផ្ទេរឯកសារ ខល និងផ្ញើរសាររវាង iPhone និង Macs បានកាន់តែងាយស្រួល។
Apple បានបន្ថែមមុខងារថ្មីពីរគឺ HealthKit និង Family Sharing ហើយវាថែមទាំងបានកែប្រែមុខងារ Notification អោយកាន់តែប្រសើរជាងមុនដោយវាអនុញ្ញាតអោយយើងប្រើប្រាស់វាបាននៅលើ Lockscreen ផ្ទាល់តែម្ដង។ ម្យ៉ាងយើងអាចធ្វើការតម្លើងក្ដារចុច
បន្ថែមបានដែលមានដាក់អោយដោនឡូតនៅលើ Appstore ដូចជា SwiftKey ក៏ដូចជាក្ដារចុចខ្មែរជាដើម។
iOS 8 អាចធ្វើការតម្លើងបាននៅលើឧបករណ៍មួយចំនួនដូចជា iPhone 4S, iPhone 5, iPhone 5S, iPhone 5C, iPod Touch 5th, iPad 2, iPad with Retina Display, iPad Air, iPad mini និង iPad mini with Retina Display ហើយអ្នកទាំងអស់គ្នាអាចធ្វើការតម្លើងដោយឥតគិតថ្លៃនៅថ្ងៃទី 17 កញ្ញានេះហើយ។
No comments:
Post a Comment