តើអ្នកទាំងអស់គ្នាបាន Jailbreak iPhone/iPad/iPod Touch របស់អ្នកដែលដំណើរការដោយប្រព័ន្ធប្រតិបត្តិការណ៍ iOS 8 រឺ iOS 8.1 ហើយរឺនៅ? ប្រសិនបើអ្នកទាំងអស់គ្នាបាន Jailbreak រួចហើយ អ្នកទាំងអស់គ្នាអាចនឹងជួបប្រទះនឹងបញ្ហាមួយថាត្រូវបន្ថែម Source អ្វីខ្លះទៅក្នុងកម្មវិធី Cydia ដើម្បីដោនឡូដ Tweak, កម្មវិធី, រឺក៏ Theme ពិសេសទៅប្រើប្រាស់ជាក់ជាមិនខាន។ ជាការពិតណាស់ Source មានន័យថាប្រភព ដូច្នេះប្រសិនបើយើងស្គាល់ប្រភពល្អៗ យើងនឹងអាចទាញយក Tweak រឺ ក៏ Theme បានល្អៗដែរ ហើយក៏ឥតគិតថ្លៃដូចគ្នាផងដែរ។ ខាងក្រោមនេះគឺជាប្រភព Cydia ពិសេសៗទាំង 7 ដែលអ្នកទាំងអស់គ្នាគួរតែបញ្ចូលទៅកាន់
កម្មវិធីCydia របស់អ្នក។
Repo.biteyourapple.net
នេះគឺជា Source ដ៏ពិសេស និងពេញនិយមបំផុតមួយព្រោះអីវាពោរពេញទៅដោយ Tweak និង Theme ជាច្រើន ហើយយើងក៏អាចទាញយកពួកវាដោយឥតគិតថ្លៃផងដែរ។
Repo.insanelyi.com
នេះគឺជា Source ដ៏ល្អបំផុតមួយ ដែលយើងអាចទាញ Theme ក៏ដូចជាអ្វីៗសម្រាប់កែច្នៃជាច្រើន។ ប្រសិនបើអ្នកចូលចិត្តធ្វើការកែច្នៃអ្វីផ្សេងៗ សូមសាកល្បងជាមួយ Source នេះណា។
samnang.myrepospace.com
នេះគឺជា Source ដ៏ពេញនិយមសម្រាប់ប្រជាជនខ្មែរយើង ព្រោះអីវាផ្ទុកទៅដោយពុម្ពអក្សរខ្មែរជាច្រើនសណ្ឋាន ដែលយើងអាចធ្វើការផ្លាស់ប្តូរទៅតាមចំណង់ចំនូលចិត្ត ហើយក្នុងនោះក៏មានក្តារចុចផងដែរ។
Cydia.angelxwind.net
ប្រភព Cydia នេះមាន Tweak មិនសូវច្រើនទេ តែអ្វីដែលវាមានគឺសុទ្ធតែរបស់សំខាន់ដូចជា Appsync Unified និងរបស់មានអត្ថប្រយោជន៍ផ្សេងទៀត។
Cydia.hbang.ws
Repo នេះទាក់ទងនឹង Tweak ដែលធ្វើការកែច្នៃដែលមានដូចជា Tweak ឈ្មោះថា ScreenFade និង Tap To Unlock ជាដើម។
Cydia.xsellize.com/
Repo នេះសម្បូរហ្គេមចាស់ៗដូចជា SEGA, NES រឺក៏ Game Boy ដែលយើងអាចដោនឡូដ ហើយយកមកលេងនៅលើទូរស័ព្ទរបស់យើងបាន។
Cydia.hackulo.us
Source មួយនេះសំបូរដោយកម្មវិធីពិសេសៗ និងទាញបានដោយឥតគិតថ្លៃដែរ ដែលវាពេញនិយមបំផុតសម្រាប់ iOS 6 និង 7 ហើយ iOS 8 ក៏អាចប្រើប្រាស់បានផងដែរ។
សូមបញ្ជាក់ផងដែរថា ដើម្បីបញ្ចូល Source ទាំងនេះទៅក្នុង Cydia របស់អ្នក គឺយើងគ្រាន់តែបើកកម្មវិធី Cydia > Source > Edit > Add ចម្លងឈ្មោះ Source ខាងលើហើយដាក់ចូលក្រឡោននិងចុច Add ជាការស្រេច (ឧទាហរណ៍ http://repo.biteyourapple.net)។ អ្នកទាំងអស់គ្នាមិនចាំបាច់បញ្ចូល Source ទាំងអស់ចូលទៅនោះទេ ព្រោះវាអាចធ្វើអោយកម្មវិធី Cydia គាំងបាន ពោលគួរជ្រើសរើស Source ណាមួយដែលអ្នកចូលចិត្តទៅជាការស្រេច។
No comments:
Post a Comment