វិធី អាប់ដេត កញ្ចប់ Pangu ទៅកាន់កំណែទំរង់ 0.4

ចុះថ្ងៃទី: November 4th, 2014

ក្រុមការងារ Pangu កាលពីពេលថ្មីៗនេះ បានអាប់ដេត កញ្ចប់ Jailbreak របស់ខ្លួន សំរាប់ iOS 8.0-8.1 ហើយ ដើម្បី កែបញ្ហា ដែលធ្វើអោយ ម៉ាសីុន iPhone 32Bit (iPod 5, iPhone 4S/5, iPad 2/3/4, iPad Mini 1) ឡើងក្តៅ និងកែបញ្ហា ដែលធ្វើអោយ កម្មវិធីខ្លះ ដូចជា Safari គាំង ម្តងម្កាល។

តំរូវការជាមូលដ្ឋាន:
iPhone, iPad និង iPod Touch ដំណើរការលើ iOS 8 ឡើងទៅ និងបាន Jailbreak រួចហើយ

វិធីអនុវត្តន៍:

1. ជាដំបូង សូមបើក កម្មវិធី Pangu រួចមើល កំណែទំរង់របស់វា ត្រង់ពាក្យថា Version។ បើ Version ទាបជាង 0.4 នោះ សូមធ្វើការ អាប់ដេត ដោយអនុវត្តន៍តាម ជំហានបន្ទាប់។ តែបើ Version 0.4 ហើយ មិនបាច់អាប់ដេត នោះទេ។

2. បើកកម្មវិធី cydia រួចចូលទៅមឺុនុយ Changes រួចចុចលើ កញ្ចប់ឈ្មោះ Pangu 8.0-8.1.x Untether។ បន្ទាប់មក ក្នុងផ្ទាំង Details សូមរំកិលអេក្រង់ចុះក្រោម មកប្រអប់ Note ហើយចុចលើ ពាក្យ Cydia Installer ពណ៌ខៀវ។

បន្ទាប់មក ចុច Modify-> Reinstall-> Confirm -> Close Cydia។ ធ្វើដូចនេះ ដើម្បីអាប់ដេត កំណែទំរង់របស់ Cydia និងបង្ការ បញ្ហា Restart ជាប់រូបផ្លែប៉ោម នៅពេល អាប់ដេត កំណែទំរង់ Pangu។

3. បើក Cydia ម្តងទៀត ហើយចូលទៅ មឺុនុយ Changes និងចុចលើ កញ្ចប់ Pangu 8.0-8.1.x Untether ដដែល។ រួចចុច Modify-> Upgrade-> Confirm-> Reboot Device។

4. ក្រោយ Restart ហើយ សូមបើកកម្មវិធី Pangu ម្តងទៀត ហើយមើលត្រង់ ពាក្យ Version នោះនឹងឃើញ Version 0.4 ហើយ៕